२५ जेठ,स्वच्छखबर,काठमाडौं । प्रधानसेनापति प्रभुराम शर्मासँग नेपालका लागि जापानी राजदूत किकुता युताकाले शिष्टाचार भेट गरेका छन् ।
बुधबार नेपाली सेनाको मुख्यालय जङ्गी अड्डामा प्रधानसेनापति प्रभुराम शर्मा र राजदूत युताकाबीच भेटवार्ता भएको हो ।
भेटमा दुई पक्षीय आपसी हित तथा पारस्परिक सम्बन्धका विषयमा छलफल भएको सैनिक जनसम्पर्क तथा सूचना निर्देशनालयले जनाएको छ ।
उक्त भेटले दुई देशबीच रही आएको आपसी सम्बन्धलाई थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको छ ।
सम्बाददाताः मोतीलाल भारती