२१ भाद्र, स्वच्छखबर,काठमाडौं । । युईएफए युरोकप छनोटमा फ्रान्सले आफ्नो उत्कृष्ट लयलाई निरन्तरता दिएको छ । बिहीबार राति भएको खेलमा आयरल्याण्डलाई २-० गोलले हराउँदै फ्रान्सले छनोटमा लगातार पाँचौ जीत निकालेको हो ।

घरेलु मैदानमा भएको खेलमा फ्रान्सलाई जीत दिलाउन अरेलिन चुआमिनी र मार्कुस थूरामले गोल गरे । खेलको १९ औं मिनेटमा एम्बाप्पेको पासमा चुआमिनीले गोल गर्दै फ्रान्सलाई शुरुवाती अग्रता दिलाएका थिए । ४८ औं मिनेटमा थूरामले गोल गर्दै फ्रान्सलाई २-० गोलको जीत दिलाएका हुन् ।

जीतसँगै फ्रान्स ५ खेलबाट १५ अंक जोड्दै समूह ‘बी’को शीर्ष स्थानमा रहेको छ भने समान खेलबाट ३ अंक जोडेको आयरल्याण्ड चौथो स्थानमा रहेको छ ।