१७, असोज, स्वच्छखबर, स्पेन। स्पेनका राजा फिलिप छैटौंले समाजवादी नेता पेड्रो सान्चेजलाई नयाँ सरकार गठनको पहल गर्न आग्रह गरेका छन् । संसदमा सबैभन्दा ठूलो दक्षिणपन्थी दलका नेता अल्बर्टो नुनेज–फेइजुले प्रधानमन्त्रीका रूपमा पदभार ग्रहण गर्न संसदीय समर्थन प्राप्त गर्न असफल भएको चार दिनपछि यो कदम चालिएको हो ।
यदि सान्चेजलाई प्रधानमन्त्रीमा पुनर्बहाली गर्ने हो भने उहाँले संसदीय बहुमत पुष्टि गर्नुपर्नेछ । यसका लागि उहाँलाई स्पेनमा महत्वपूर्ण राजनीतिक भूमिकामा रहेको कट्टर पन्थी क्याटलान पृथकतावादी पार्टीको समर्थन आवश्यक पर्नेछ ।
स्पेनका राजनीतिक दलसँगको वार्तापछि राजाले पेड्रो सान्चेजलाई प्रधानमन्त्रीका लागि उम्मेदवार बनाउने आफ्नो निर्णयबारे मलाई जानकारी गराएको संसदीय सभामुख फ्रान्सिना अर्मेन्गोलले बताए ।
सान्चेजले अब नोभेम्बर २७ भन्दा पहिले हुने महत्वपूर्ण मतदानमा ३५० सदस्यीय संसद्मा १७६ सांसदको समर्थन प्राप्त गर्न आफ्नो पहल अघि बढाउनुुपर्नेछ ।
यदि उनी असफल भए सम्भवतः जनवरीको मध्यमा स्पेन स्वतः नयाँ निर्बाचन गर्न बाध्य हुनेछ । सन् २०१८ देखि सत्तामा रहेका सान्चेज बास्क र क्याटलान क्षेत्रीय पार्टीहरूको साथमा अति वामपन्थीहरूको समर्थनमा सत्तामा फर्कनेमा विश्वस्त छन् ।
तर महत्वपूर्ण कुरा के छ भने उहाँलाई जेएक्सक्याटका सात जना सांसदको मत आवश्यक पर्नेछ । यसले सन् २०१७ को क्याटलन पृथकतावादी असफल प्रयासका कारण कानुनी कारबाहीको सामना गरिरहेकाहरूलाई आममाफीको माग गरेका छन् ।
यस्तो कदमको दक्षिणपन्थीहरूले कडा विरोध गरेका छन् र सान्चेजको आफ्नै समाजवादी पार्टीभित्रका केही सदस्य पनि आममाफी वा क्याटलान नेताहरूप्रति नरम हुने दृष्टिकोणको विरोधमा रहेका छन् ।
प्रतिक्रिया दिनुहोस्: