राष्ट्रिय सभा निर्वाचनका २,०४७ मतदाता

४ पुष २०८०, बुधबार १५:५५

४ पुष, स्वच्छखबर, काठमाडौं । निर्वाचन आयोगले माघ ११ गते हुने राष्ट्रिय सभा सदस्य निर्वाचनका लागि मतदाता नामावली स्वीकृत गरेको छ । आयोगले बुधबार विज्ञप्ति जारी गरी २,०४७ जना मतदाताको नामावली स्वीकृत गरेको जानकारी दिएको हो ।

राष्ट्रिय सभा सदस्य निर्वाचनमा प्रदेश सभा सदस्य, गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुख मतदाता हुन्छन् । यो व्यवस्था बमोजिम प्रदेश सभा सदस्य ५४९ जना छन् । यसैगरी गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख गरी १,४९८ जना मतदाता रहेका आयोगका प्रवक्ता शालिग्राम शर्मा पौडेलले जानकारी दिए ।

©२०२२ स्वच्छ साप्ताहिकमा सर्वाधिकार सुरक्षित

Maintained By: I.T. Lization Pvt. Ltd.