काठमाडौँ । राष्ट्रिय युवा संघ नेपालकी नेतृ रेशु तामाङले फेरि लोकतान्त्रिक प्रक्रियालाई आत्मसात गर्दै नयाँ इतिहास रच्न सफल भएको बताएकी छन् । उनी प्रतिस्पर्धामा झिनो मतले पराजित भईन । हालै सम्पन्न निर्वाचनमा पराजित भएपछि सार्वजनिक गरेको वक्तव्यमा उनले लोकतान्त्रिक प्रक्रियाप्रति आफ्नो अटल आस्था व्यक्त गर्दै हारलाई पनि ऐतिहासिक उपलब्धिको हिस्सा मानेको बताईन् ।

उनले भनेकी छन्, ‘फेरि एकपटक हामीले लोकतान्त्रिक मूल्य र प्रक्रियालाई आत्मसात गर्दै नयाँ इतिहास रच्न सफल भयौ ं। निर्वाचनको नतिजा जे भए पनि हाम्रो सहभागिता र योगदान नै लोकतन्त्रको बलियो आधार हो ।’
उनले निर्वाचनको सम्पूर्ण प्रक्रियालाई गौरवपूर्ण यात्राको रूपमा चित्रण गर्दै त्यो यात्रामा साथ दिने सबै कमरेडहरूप्रति गहिरो कृतज्ञता व्यक्त गरिन् । “तपाईंहरूको विश्वास, समर्थन र योगदानले हामीलाई एउटा ऐतिहासिक मोडमा पु¥यायो,” उनले भनिन् । हारको परिणामले नभई संकल्प, विचार र संगठनप्रतिको समर्पणले भविष्य कोर्ने बताउदैँ उनले अर्को पटक अझ बलियो रूपमा अघि बढ्ने प्रतिबद्वता व्यक्ति गरिन् । उनको यात्रामा हाम्रो पनि शुभकामना ।

स्पष्ट भिजनसहित अगाडि बढ्दै ‘भिजन रेसु’
‘भिजन रेसु’ भन्ने नारासहित महाधिवेशनमा उपस्थित भएकी रेशु तामाङले संगठनप्रतिको आफ्नो स्पष्ट दृष्टिकोण, युवा लक्षित योजनाहरू, प्रविधिमैत्री सोच र समावेशी नेतृत्वको दृष्टिकोणका कारण युवा कार्यकर्तामाझ विशेष लोकप्रियता हासिल गरिरहेकी छिन् । महाधिवेशनमा सहभागी हजारौं युवाबीच तामाङको नाम एक आशाका रूपमा गुञ्जिरहेको छ ।
उनको नेतृत्व क्षमताप्रति पार्टीभित्र र बाहिर दुवैतर्फ सकारात्मक धारणा देखिएको छ । एमालेभित्र उनी एक सशक्त, सक्रिय र दूरदर्शी नेतृका रूपमा चिनिँदै आएकी छन् । ‘रेशु’ नाम अब संगठनभित्र ’उर्जा र प्रतिबद्धता’ को पर्याय बन्न थालेको अनुभूति गरिँदैछ ।

विद्यार्थी आन्दोलनदेखि युवासंघसम्मको यात्राः संघर्ष र सफलता
रेशु तामाङको राजनीतिक यात्रा छोटो छैन । उनी एमालेको विद्यार्थी संगठन अनेरास्ववियु हुँदै युवा संघसम्म सक्रिय रूपमा पार्टीमा योगदान दिँदै आएकी छन् । सङ्गठन निर्माण, आन्दोलन, अभियान सञ्चालन र नेतृत्व विकासमा उनको स्पष्ट हस्तक्षेप रहेको छ ।
पार्टीका वरिष्ठ नेताहरूले समेत समय–समयमा तामाङको नेतृत्व र कार्यशैलीको खुलेर प्रशंसा गर्दै आएका छन् । विशेषतः कठिन परिस्थितिमा समेत उनले खेलेको अग्रणी भूमिकाले उनलाई एक ‘क्राइसिस म्यानेजर’का रूपमा पनि चिनाएको छ ।

समावेशी, प्रविधिमैत्री र प्रभावशाली बनाउने सपना
महाधिवेशनमा प्रस्तुत गरिएको तामाङको भिजन दस्तावेजले युवासंघको भविष्य कस्तो बनाउने भन्ने स्पष्ट खाका प्रस्तुत गर्छ । उनले संगठनलाई प्रविधिमैत्री बनाउँदै युवा पुस्ताको डिजिटल दक्षता अभिवृद्धिमा जोड दिने, महिला, दलित, आदिवासी, जनजाति र पिछडिएको क्षेत्रका युवाको सहभागीता सुनिश्चित गर्ने, र राष्ट्रिय मुद्दामा स्पष्ट हस्तक्षेप गर्ने संगठन बनाउने अठोट व्यक्त गरेकी छन् ।
युवा संघ नेपालको महाधिवेशन केवल सांगठानिक प्रक्रियाको हिस्सा मात्र होइन, यो नयाँ सोच, नयाँ नेतृत्व र नयाँ युगको संकेत पनि हो । रेशु तामाङजस्ता दूरदर्शी, सशक्त र योजनाबद्ध नेतृहरूको उपस्थितिले संगठनलाई सुदृढ बनाउने आशा गर्न सकिन्छ । ’भिजन रेसु’ नाराले व्यक्त गरिरहेको सपना केवल नारामा सीमित नहोस्, व्यवहारमा पनि उत्रियोस् भन्ने अपेक्षा महाधिवेशनमा सहभागी युवाहरूको छ ।

अन्त्यमा महाधिवेशनमा लोकतान्त्रिक प्रक्रियालाई आत्मसात गर्दै निर्वाचित नयाँ कार्यसमितिलाई सफल कार्यकालको शुभकामाना सहित मलाई प्रगाढ रुपमा माया गरी मतदान गर्नुहुने महाधिवेशन प्रतिनिधि, नेतागण र शुभचिन्तकहरु सम्पूणलाई धन्यवाद व्यक्त गरेकी छिन् ।