काठमाडौँ । नेकपा (एकीकृत समाजवादी) ले पूर्वप्रधानमन्त्री तथा पार्टी अध्यक्ष माधवकुमार नेपालविरुद्ध षड्यन्त्र गरिएको प्रतिक्रिया दिएको छ । अख्तियार दुरुपयोग अनुसन्धान आयोगले विशेष अदालतमा दायर गरेको मुद्दाबारे प्रारम्भिक धारणा सार्वजनिक गर्दै एकीकृत समाजवादीले अध्यक्ष नेपालविरुद्ध षड्यन्त्र गरिएको प्रतिक्रिया दिएको हो ।

राजनीतिक पूर्वाग्रहका हिसाबले पार्टी अध्यक्षमाथि मुद्दा चलाइएको उल्लेख गर्दै प्रवक्ता प्रकाश ज्वालाले भने, ’यसको प्रतिवाद गर्छौँ । मुद्दा परिसकेपछि हामी भाग्दैनौँ । नडराउनु, नबिराउनु भनेर पार्टी अध्यक्ष प्रारम्भिक प्रतिक्रिया दिइसक्नुभएको छ । हाम्रो अध्यक्षले भ्रष्टाचारजन्य कुनै काम र आर्थिक चलखेल गर्नुभएको छैन ।’

बिहीबार (आज) बसेको आकस्मिक बैठकपछि प्रवक्ता ज्वालाले थपे, ’शिर ठाडो पारेर यसलाई पराजित गर्न सक्छौ ँ। अदालती रूपमा सम्पूर्ण कुरा गर्छौँ । अदालतबाट क्लीन चिट लिएर आउँछौँ। खारेज भयो भनेर फर्किन्छौँ ।’