काठमाडौं । संस्दको राज्यव्यवस्था तथा सुशासन समितिको रिक्त सभापति पदका लागि निर्वाचन तालिका प्रकाशन गरिएको छ ।

ससद सचिवालयका महासचिव पद्मप्रसाद पाण्डेले यही भदौ ११ गते निर्वाचन हुने सूचना प्रकाशन गरेका हुन् । प्रतिनिधिसभा नियमावली १७६ को उपनियम १ बमोजिम सभामुख देवराज घिमिरेले निर्वाचनको मिति तोकेका सूचनामा जनाइएको छ । गत साउन २७ गते समिति सभापतिबाट रामहरि खतिवडाले राजीनामा दिएका थिए ।

निजामती विधेयकमा ‘कुलिङ अफ पिरिड’को व्यवस्था खण्डित हुनुमा सभापति ‘नैतिक जिम्मेवार’ रहेको छानबिन समितिको प्रतिवेदनसँगै उनले राजीनामा दिएका थिए । समितिको सभापति पद रिक्त भएको १५ दिनभित्र चुनाव गरिसक्नुपर्ने नियमावलीमा व्यवस्था छ ।