काठमाडौं । नेपाल शिक्षक महासंघले नेकपा एकीकृत समाजवादीको पार्टी कार्यालय आलोकनगरमा आइतबार धर्ना दिएको छ । विद्यालय शिक्षा विधेयकप्रति असन्तुष्टि जनाउँदै आन्दोलनरत महासंघले समाजवादीको पार्टी कार्यालयमा धर्ना दिएको हो ।

बिहान ११ बजे देखि दिउँसो १ बजेसम्म २ घण्टा नेकपा एकीकृत समाजवादीको पार्टी कार्यलयमा धर्ना बसी ध्यानाकर्षण पत्र बुझाएको महासङ्घका अध्यक्ष लक्ष्मी किशोर सुवेदीले जानकारी दिए ।

उनले यो प्रतिनिधिमूलक धर्ना भएको समेत बताए । सरकारले आफूहरुसँग गरेको सहमति पूर्णरुपमा सम्बोधन हुन नसकेकाले सच्यउन दवाव दिन भन्दै शिक्षकहरुले राजनीतिक दलका कार्यालयमा धर्ना दिँदै आएका छन् ।

यसअघि महासंघले नेपाली कांग्रेस, नेकपा एमाले, नेकपा माओवादीको केन्द्रीय कार्यालयमा धर्ना दिँदै ध्यानाकर्षणपत्र बुझाइसकेको छ ।