काठमाडौं । सार्वजनिक विश्वास र सहयोग, कानुन कार्यान्वयन, अपराध नियन्त्रण र रोकथाम तथा सार्वजनिक सुव्यवस्था कायम गरी जनता र सम्पत्तिको रक्षा गर्ने संगठन नेपाल प्रहरी । उक्त पवित्र संगठनमा २०७३ साल भदाै ५ गते नियुक्त हुनुभएका प्रहरीहरूले आज ९ वर्ष पूरा गरि १० औं वर्षमा प्रवेश गरेकाे अवसरमा ‘रिमा सेवा समाज’लाई भाेजन सेवाका साथै नव निर्मित भवन निर्माणका लागि आर्थिक सहयोग प्रदान गर्नुभएको छ ।

काठमाडौंको बूढानीलकण्ठस्थित गोल्फुटारमा रहेको रिमा सेवा समाजको आश्रममै पुगेर कैलाश कठयातकाे टाेलीले सेवा प्रवेशको १० औं वर्षकाे खुशीयाली साटासाट गरि केक काटेर भाेजनका साथै नवनिर्मित भवनका लागि सहयाेग गर्नुभएको हाे ।

असहाय मानिसहरुलाई आश्रय दिएर समाजमा पुण्यको काम गरेको संस्थालाई आर्थिक सहयोग गर्न पाउँदा आफूहरुलाई निकै खुसी लागेको कैलाश कठयातले बताउनुभयाे । आजकाे यस पवित्र कार्यका लागि सहयोग गर्नुहुने सम्पूर्णमा धन्यवाद व्यक्त गर्दै आगामी दिनमा पनि सकेकाे सहयोग गर्न आफूहरु प्रतिबद्ध रहेको जनाउनुभयो ।

आफुले निरन्तर प्रहरीहरूकै सहकार्यमा काम गर्दै आएकाेमा आज प्रहरीहरूले नै समाजमा रहनुभएका आमाबुबालाई भाेजनका साथै नवनिर्मित भवनका लागि आर्थिक सहयोग प्रदान गरेकोमा धन्यवाद व्यक्त गर्दै समाजकी अध्यक्ष सापकाेटाले विभिन्न अवसरमा संघ, संस्था तथा व्यक्तिहरुले समाजलाई यसरी नै सहयोग गर्दै आएको पनि जानकारी दिनुभयाे ।

बूढानीलकण्ठकै भंगालमा स्थायी आवासका लागि भवन निर्माणको काम जारी रहेकाे र आगामी दिनमा विभिन्न संघ,संस्था र महानुभावहरुबाट सहयोग प्राप्त हुँदै गएमा यसै वर्षभित्र नै भवन निर्माण गरिसक्ने लक्ष रहेकाे सञ्चालिका रिमा सापकाेटाले जानकारी दिनुभयाे । सडकपेटीमा अलपत्र अवस्थामा परेका असहायहरुलाई स्थानीय प्रशासन र प्रहरीको सहयोगमा आश्रय दिइरहेको वहाँकाे भनाइ छ ।आश्रित नागरिक कतिपयलाई परिवारमा नै पुनर्मिलन गराएको त कतिपयको आश्रममै बिबाह समेत गराउने गरेको सापकाेटा बताउनुहुन्छ ।
अध्यक्ष सापकोटाले कैलाश कठायतकाे प्रहरी टाेलीप्रती बिशेष आभार व्यक्त गर्दै समाज कुनै विदेश सहयाेग र सरकारी सहयाेग बिना यस्तै सहयोगी मन र हातका कारण चलेकोले यहाँ रहनुभएका आमाबुबाका लागि एकछाक खाना र नवनिर्मित भवन निर्माणमा सहयोग गर्न चाहनुभएमा ९८४५५०५८९८ मा सम्पर्क गरी मानवीय सेवाका लागि अनुरोध पनि गर्नुभएको छ । ।

पक्कै पनि नेपाली प्रहरी संगठनको निष्पक्षता, तटस्थता र कुशलताबिना समाजमा शान्ति-सुरक्षाको प्रत्याभूति कल्पना पनि गर्न सकिन्न। देशमा शान्ति सुरक्षा र अमनचयन कायम गर्ने काम भए पनि नेपाल प्रहरीले त्यसबाहेक देशको सीमा सुरक्षा, चेलीबेटी बेचविखन रोकथाम, लागूपदार्थको कारोबारको रोकथामलगायत कार्य गर्ने दायित्व रहेको छ । समाजमा रहेका अनेकौ समस्याको बारेमा जनचेतना वृद्धि गरी नागरिकलाई सचेत बनाउने कार्यमा पनि त्यत्तिकै सक्रिय रहने नेपाल प्रहरीको योगदान अतुलनीय रहेको पाईन्छ ।