काठमाडौं । सर्वोच्च अदालतका निलम्बित अधिकृत महिमानसिंह विष्टलाई थुनामै राख्न माग गर्दै नागरिक उन्मुक्ति पार्टीका संरक्षक रेशम चौधरीले उच्च अदालतमा निवेदन दिएका छन् ।

चौधरीले आज उच्च अदालत पाटनमा निवेदन दिएका हुन् । गत बैशाख १७ गते विष्टले चौधरीलाई पक्राउ गरी थुनामा राख्न पत्र लेखेका थिए । जसअनुसार रेशमलाई पक्राउ गरिएको थियो । तर विष्टले अनधिकृत पत्र लेखेको पुष्टि भएसँगै उनलाई तुरून्तै रिहा गरिएको थियो ।

त्यसपछि विष्ट आफैँ पक्राउ परेका थिए । उनीविरुद्ध जिल्ला प्रहरी परिसर काठमाडौँले लिखत किर्तेमा मुद्दा चलाएकोमा जिल्ला अदालत काठमाडौँले गत जेठ ५ गते एक लाख धरौटीमा छाड्ने आदेश गरेको थियो ।