काठमाडौं । काठमाडौं महानगरपालिकाका मेयर बालेन शाह र उपमेयर सुनिता डंगोलबीच लामो समयको संवादहीनता तोडिएको छ । बुधबार केही वडाध्यक्षसहित मेयर र उपमेयरबीच भेटवार्ता भएको हो ।

वार्तामा छिट्टै कार्यपालिका बैठक राख्न प्रारम्भिक सहमति भएको छ ।

अहिले झण्डै ६ महिनादेखि कार्यपालिका बैठक बस्न सकेको छैन, यसले महानगरको नीति तथा कार्यक्रम र बजेटको तयारी नै बिथोलिएको छ । यसको प्रमुख कारण नै बालेन र सुनिताबीचको टकराव थियो ।