काठमाडौँ । प्रहरीले ललितपुरको भनिमण्डलबाट श्रोत नखुलेको करिव एक करोड रुपैयाँसहित एक जनालाई पक्राउ गरेको छ । उपत्यका प्रहरी कार्यालय, रानीपोखरीबाट खटिएको विशेष टोलीले सिन्धुलीका गौरव स्याङ्तानलाई ९१ लाख ५० हजार रुपैयाँसहित पक्राउ गरेको हो ।

उपत्यका प्रहरी कार्यालयका प्रमुख तथा प्रहरी अतिरिक्त महानिरीक्षक (एआईजी) टेकबहादुर तामाङले उनको साथबाट नगद र पैसा गन्ने मेसिन समेत बरामद गरेको जानकारी दिए । अवैध रकमको कारोबार भइरहेको सूचनाका आधारमा प्रहरी टोली परिचालन गरिएको थियो ।