काठमाडौं । नेपाली कांग्रेसका पूर्वसभापति शेरबहादुर देउवा आज स्वदेश फर्किँदैछन् । हङकङबाट देउवा आज मध्यान्ह नेपाल आइपुग्ने कार्यक्रम छ । जेनजी आन्दोलनका क्रममा गरिएको सांघातिक आक्रमणमा घाइते बनेपछि देउवा उपचारका लागि सिंगापुर गएका थिए ।

त्यसपछि उनी सिंगापुरबाट हङकङ गएका थिए । देउवा दम्पती सिंगापुरमै रहेका बेला उनीहरूविरुद्ध सम्पत्ति शुद्धीकरण अनुसन्धानका लागि पक्राउ पुर्जीसमेत जारी भएको थियो । तर पक्राउ पुर्जी रोक्न माग गर्दै वारेसमार्फत उनी सर्वोच्च अदालत गएका थिए ।

सर्वोच्च अदालतले देउवा दम्पतीलाई तत्काल पक्राउ नगर्न अन्तरिम आदेश जारी गरेको थियो । देउवा आज स्वदेश फर्किन लागेपछि कांग्रेसको इतर पक्षले विमानस्थलमा भव्य स्वागत गर्ने तयारी गरेको छ ।