१३ पुष, स्वच्छखबर, लेबनान । लेबनानमा संयुक्त राष्ट्रसंघ अन्तरिम बलले लेबनानी अधिकारीहरूलाई लेबनानको दक्षिणी गाउँ तेबेहमा आफ्ना एक जना शान्ति सैनिकमाथि भएको आक्रमणको अनुसन्धान गर्न आह्वान गरेको छ।
युनिफिलले दक्षिण लेबनानको तायबेहमा युवाहरूको समूहले गस्तीमा आक्रमण गरेपछि एक जना शान्ति सेना घाइते भएका बताएको छ । उसले लेबनानी अधिकारीहरूलाई द्रुत अनुसन्धान गर्न र सबै अपराधीहरूलाई न्यायको दायरामा ल्याउन आग्रह गरेको छ ।
शान्तिका लागि स्थापनार्थ काम गर्ने शान्ति सैनिकहरूमाथि गरिने आक्रमण निन्दनीय मात्र नभएर संयुक्त राष्ट्र संघको प्रस्तावको समेत उल्लङ्घन भएको उसले बताएको छ ।
युनिफिलले आक्रमणको बावजुद शान्ति सैनिकहरू काममा रहेको बताउँदै शान्ति सैनिकहरूको आवागमनको स्वतन्त्रतालाई जोड दिँदै ब्लु लाइनमा सुरक्षा र स्थिरता पुनर्स्थापना गर्न महत्वपूर्ण रहेको बताएको छ।
प्रतिक्रिया दिनुहोस्: