काठमाडौँ । नेपाली कांग्रेस नेता डा. शेखर कोइरालाले उपसभामुख हटाउने कांग्रेस एमालेको तयारीप्रति आपत्ति जनाएका छन् ।

उपसभामुख हटाउन हस्ताक्षर अभियान चलाएको भन्दै कोइरालाले आपत्ति जनाएका हुन् । उनले प्रश्न गरे, ‘मुलुकमा यत्रा समस्या छन्, तर अहिले उपसभामुख हटाउने हतारो किन ?’

उनले पार्टी संसदीय दलबाट हस्ताक्षर गर्न आफूलाई भनिएपनि स्पष्ट विषय नराखिएको बताए । कोइरालाले हस्ताक्षर गर्ने विषयमा आफूले कसैलाई केही नभनेको तर, कांग्रेसका सांसदले विवेक प्रयोग गर्ने बताए ।