हरित ऊर्जा प्रवद्र्धनका लागि मलेसियाको ऐतिहासिक निर्णय

१४ भाद्र २०८२

क्वालालम्पुर । मलेसिया सरकारद्वारा नवीकरणीय ऊर्जा प्रवाहका लागि विद्युत् सञ्जालको प्रयोगबापत लाग्ने शुल्कमा ४० प्रतिशतसम्मको कटौती गरिएको छ । ऊर्जा रूपान्तरण तथा पानी मन्त्रालयले यो निर्णय दुईवटा विशेष योजनाअन्तर्गत लागू गरेको हो ।

शुक्रबार प्रकाशित विज्ञप्तिमा मन्त्रालयले जानकारी गराएअनुसार चालु वर्षको अगस्त १ गतेदेखि लागू भएको नयाँ विद्युत् दर संरचना अनुसार, प्रणाली पहुँच शुल्क तथा सामुदायिक पहुँच शुल्कमा पुनरावलोकन गरि समायोजन गरिएको छ । यस समायोजनमार्फत शुल्क गणनामा पारदर्शिता कायम गर्दै उपभोक्तामाथि दोहोरो भार नपर्ने व्यवस्था मिलाइएको बताइएको छ ।

सामुदायिक नवीकरणीय ऊर्जा समूह संयन्त्र अन्तर्गत लाग्ने पहुँच शुल्क पहिलेको १५ साना इकाइबाट घटाएर ९ साना इकाइ निर्धारण गरिएको छ । त्यसैगरी, कर्पोरेट नवीकरणीय ऊर्जा आपूर्ति योजनाअन्तर्गत, पक्का आपूर्तिका लागि प्रणाली पहुँच शुल्क २५ साना इकाइबाट घटाएर २० साना इकाइ तथा अपक्का आपूर्तिका लागि ४५ साना इकाइबाट घटाएर ४० साना इकाइ कायम गरिएको छ ।

मन्त्रालयले सो निर्णयले देशभित्र हरित ऊर्जा प्रवद्र्धनमा महत्वपूर्ण योगदान पुर्याउने विश्वास व्यक्त गरेको छ, साथै निजी तथा संस्थागत लगानीकर्ताहरूलाई आकर्षित गर्ने र दीगो ऊर्जा लक्ष्य प्राप्तिमा सहयोगी हुनेछ ।