५ कार्तिक स्वच्छखबर,काठमाडौँ । इजरायलमा हमासको आक्रमणमा परि मारिएका दशमध्ये चार नेपाली विद्यार्थीको शव आइतबार काठमाडौं ल्याइएको छ । इजरायलस्थित नेपाली राजदूतावासले पहिलो चरणमा चरणमा दीपेशराज विष्ट, लोकेन्द्रसिंह धामी, नारायणप्रसाद न्यौपाने र आशिष चौधरीको शव नेपाल पठाइएको जनाएको छ ।
अन्य ६ जना नेपालीको शव भने पहिचान गर्नेे र पठाउने प्रक्रिया पूरा गर्न केही दिन लाग्ने दूतावासले जनाएको छ । चारै जनाको शव त्रिवि शिक्षण अस्पतालमा पोस्टमार्टमपछि आजै धनगढी लैजाने तयारी गरिएको छ । शवलाई श्रद्धाञ्जली दिन परराष्ट्रमन्त्री एनपी साउद त्रिभुवन अन्तर्राष्ट्रिय विमानस्थल पुगेका थिए ।
कानुनी प्रक्रिया पूरा भएका चार विद्यार्थीको शव स्थानीय समयअनुसार शनिबार दिउँसो फ्लाइ दुबईको उडानबाट नेपाल पठाइएकामा आइतबार बिहान शव आइपुगेको हो ।
प्रतिक्रिया दिनुहोस्: